Arestado sa isang matagumpay na operasyon ng San Quintin Municipal Police Station ang tinaguriang Top 2 Most Wanted Person sa Barangay Cabangaran, San Quintin, Pangasinan nitong Lunes, Nobyembre 13, 2024.
Kinilala ni Police Captain Esteban C Fernandez III, Officer-In-Charge ng San Quintin Municipal Police Station, ang suspek na si Alvin Gabriel Ligon, 19, walang asawa at nakatira sa Barangay Cabangaran, San Quintin, Pangasinan.
Naaresto ang suspek sa bisa ng Warrant of Arrest para sa kasong Rape, alinsunod sa Art. 266-A ng Revised Penal Code at walang piyansang itinakda para sa kanyang pansamantalang kalayaan.
Ayon sa San Quintin PNP, patuloy ang kanilang mga operasyon laban sa mga wanted criminals upang tiyakin ang kaligtasan at kaayusan ng komunidad.
Source: San Quintin MPS
Panulat ni PSSg Marvin Jake Romero
