Arestado ng Dagupan PNP ang isang wanted person sa kasong Murder bandang 11:51 ng umaga sa Barangay Bonuan Gueset, Dagupan City, Pangasinan nito lamang ika-2 ng Mayo 2024.
Kinilala ni Police Lieutenant Colonel Brendon B Palisoc, hepe ng Dagupan PNP, ang suspek na si alyas Jhomy, 40, walang trabaho at residente ng Mangaldan, Pangasinan.
Ayon kay Police Lieutenant Colonel Palisoc, naaresto ang suspek sa isinagawang operasyon sa bisa ng Warrant of Arrest na pinangunahan ng nasabing istasyon.
Dagdag pa ni Police Lieutenant Colonel Palisoc, nahaharap ang suspek sa kasong Murder na walang inirekomendang piyansa.
Ang matagumpay na operasyon ng Dagupan PNP ay isang hakbang tungo sa pagbibigay ng katarungan sa mga biktima ng anumang krimen, upang mapanatili ang kaayusan at kaligtasan ng mamamayan para sa isang ligtas na Bagong Pilipinas.
Source: Dagupan PNP
Panulat ni Patrolwoman Aileen Arvie Eustaquio
