Pangasinan – Arestado ang isang lalaking wanted sa kasong Frustrated Homicide sa isinagawang operasyon ng Mangaldan PNP sa Brgy. Guilig, Mangaldan, Pangasinan nito lamang Martes, ika-13 ng Hunyo 2023.
Kinilala ni Police Lieutenant Colonel Benjamin Zarate Jr., Hepe ng Mangaldan Municipal Police Station, ang suspek na si alyas “Rodel”, 19, at residente sa Brgy. Salay, Mangaldan, Pangasinan.
Ayon kay PLtCol Zarate Jr. inaresto ang suspek sa bisa ng Warrant of Arrest na inihain ng Mangaldan Municipal Police Station sa kasong Frustrated Homicide na may Php72,000 na rekomendang piyansa.
Patuloy naman ang Mangaldan PNP sa pagsisiguro ng katahimikan sa kanilang nasasakupan at panagutin sa batas ang mga taong nagkasala.
Source: Mangaldan Municipal Police Station
Panulat ni PSSg Marvin Jake Romero
