Arestado ng Urdaneta PNP ang isang wanted person sa kasong paglabag sa Republic Act 9262 nito lamang ika-13 ng Abril 2024.
Kinilala ni Police Lieutenant Colonel Lawrence Keith D Calub, Chief of Police ng Urdaneta PNP, ang suspek na si alyas “Junie”, 48, bus dispatcher at residente ng Capandaan, Lingayen, Pangasinan.
Ayon kay Police Lieutenant Colonel Calub, naaresto ang suspek sa Naia Terminal 3, Pasay City sa bisa ng Warrant of Arrest na pinangunahan ng nasabing stasyon, kasama ang NAIA Terminal 3 PNP, Chief NPS3, RID PRO1, PIU PANGPPO, Pangasinan 5th DECU at HPG Pangasinan PPO.
Dagdag pa ni Police Lieutenant Colonel Calub, nahaharap ang akusado sa kasong paglabag sa Sec. 5(i) ng R.A. 9262 na may piyansa na Php72,000 at Sec. 5(e) ng R.A. 9262 na may piyansa na Php36,000.
Ang matagumpay na operasyon ng Urdaneta PNP ay isang hakbang tungo sa pagbibigay ng katarungan sa mga biktima ng anumang krimen, upang mapanatili ang kaayusan at kaligtasan ng mamamayan para sa isang ligtas na Bagong Pilipinas.
Source: Urdaneta PNP
Panulat ni Patrolwoman Aileen Arvie Eustaquio
