Walang takas sa mga awtoridad ang isang lalaking Wanted Person na may kasong Attempted Murder matapos mahuli sa Barangay Dalaragan, Guiuan, Eastern Samar nito lamang Pebrero 04, 2025.
Kinilala ni Police Captain Brian Julius O Abellar, Officer-In-Charge ng Guiuan Municipal Police Station, ang suspek na si alyas “Jobert”, 29 anyos at residente ng Barangay Dalaragan, Guiuan, Eastern Samar.
Bandang 10:40 ng gabi nang maaresto ang suspek ng mga tauhan ng Guiuan Municipal Police Station sa bisa ng Warrant of Arrest para sa kasong Attempted Murder na may piyansa na Php120,000 para sa pansamantalang kalayaan.
Ang operasyon ay naging matagumpay sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas at mapanatiling ligtas ang komunidad tungo sa Bagong Pilipinas.
Panulat ni Patrolwoman Ma. Elena B Singian
