Davao City – Arestado ang isang lalaki sa patuloy na isinasagawang Manhunt Charlie operation ng mga tauhan ng Bunawan PNP sa Purok 1, Brgy. Bunawan, Davao City nito lamang Nobyembre 5, 2023.
Kinilala ni Police Major Jake Goles, Acting Station Commander ng Bunawan Police Station, ang suspek na si alyas “Freddie”, 40, residente ng Brgy. Mahayag, Davao City.
Inaresto ang suspek sa bisa ng Warrant of Arrest na inihain ng tauhan ng Bunawan Police Station sa kasong Qualified Theft.
Ang Bunawan PNP ay nagpapasalamat sa mga mamamayan dahil sa tulong at tiwalang ibinibigay nila upang madakip ang mga wanted persons sa lugar.
Panulat ni Patrolman Alfred Vergara
