Bangued, Abra – Naaresto ang isang Wanted Person sa Manhunt Operation ng mga kapulisan ng Abra nito lamang Huwebes, Marso 10, 2022.
Kinilala ni Police Colonel Mally Cula, Provincial Director ng Abra Police Provincial Office, ang suspek na si Excel Venus Billedo, 22, may asawa, self-employed, residente ng Brgy. Bangbangar, Bangued, Abra.
Ayon kay Police Colonel Cula, dakong 10:50 ng umaga naaresto si Billedo sa nabanggit na barangay ng pinagsanib na puwersa ng Abra PPO at Provincial Intelligence Unit.
Ayon pa kay Police Colonel Cula, naaresto ang suspek sa bisa ng Warrant of Arrest dahil sa kasong Frustrated Murder (RPC Art 248) na inilabas ni Judge Corpuz B. Alzate, Regional Trial Court, Branch 2, Bangued, Abra noong Pebrero 17, 2022 na may Criminal Case #2022-003 na may nirekomendang piyansa na Php200,000.
Patuloy naman ang Abra PNP sa pagtugis sa mga Wanted Person at lalo pang paiigtingin ang programang Anti-Criminality para sa mapayapa at ligtas na pamayanan.
Source: PNP Abra
###
Panulat ni Patrolman Josua Reyes
