Naga City – Naging matagumpay ang pagsasagawa ng Tree Planting Activity na may temang “Green & Grin Regreening Project” sa ilalim ng Forest in Our Midst (FOM) program sa lugar ng Holy Rosary Major Seminary at sa karatig nitong mga bayan sa Naga City nito lamang Hunyo 17, 2023.
Katuwang sa nasabing aktibidad ang mga tauhan ng Naga City PNP sa pangunguna ni PCol Nelson Pacalso, City Director, Most Rev. Rolando Tria Tirona OCD, DD, at mga personahe ng Sangguniang Panlungsod sa pamumuno ni City Mayor Nelson Legacion, kasama rin ang iba’t ibang lokal na ahensya ng nasabing lungsod.
Ang aktibidad na ito ay naglalayong protektahan at panatilithin ang kagandahan ng kalikasan, kapaligiran at upang mabawasan ang hindi magandang epekto ng pagbabago ng klima o climate change.
Ito rin ay alinsunod sa programang Revitalized PNP KASIMBAYANAN na naglalayong tumibay ang matatag na ugnayan ng Kapulisan, Simbahan at Pamayanan.
Source: Naga City Police Office
