Lanao del Norte – Nagsagawa ng Tree Planting Activity ang pulisya ng Lanao del Norte nito lamang Martes, Marso 8, 2022.
Ang aktibidad ay pinangunahan ni Police Colonel Isaias Bacurnay Jr, Provincial Director, kasama ang mga kababaihang kawani ng Provincial Government ng Lanao del Norte.
Ayon kay Police Colonel Bacurnay, bandang 6:00 ng umaga sinimulan ang Tree Planting Activity sa Brgy. Kakai Renabor, Tubod, Lanao del Norte.
Tinatayang nasa apat na daang piraso ng iba’t ibang non-bearing fruit na seedlings ang naitanim.
Ayon pa kay Police Colonel Bacurnay, ito ay alinsunod sa Core Values ng PNP, ang “Makakalikasan” at bahagi ng adbokasiyang “Kaligkasan” (Kaligtasan at Kalikasan) na naglalayong pagtibayin ang hangarin ng ilang sektor ng komunidad upang muling buhayin at maibalik ang maayos at ganda ng ating kalikasan.
Ang Pambansang Pulisya ay hinimok ang komunidad na makilahok sa iba’t ibang programang pangkalikasan upang mapanatili ang luntiang kapaligiran at lumiit ang hindi kanais-nais na mga epekto na dala ng climate change.
###
Panulat ni Police Staff Sergeant Grace Neville L Ortiz
