Northern Samar – Nagsagawa ng Tree Planting Activity ang mga tauhan ng 804th Maneuver Company-Regional Mobile Force Company 8 sa loob ng campus ng Collegio De San Juan Samar sa Brgy. Libertad, Lavezares, Northern Samar nito lamang Martes, ika-6 ng Setyembre 2022.
Ang aktibidad ay pinangunahan ni Police Lieutenant Mark Mhon T Amistoso, Officer-In-Charge ng 804th Maneuver Company kasama ang mga kawani at mga mag-aaral ng 4th Year BS Criminology ng naturang eskwelahan.
Layunin nito na mapunan ang mga puno na iresponsableng pinutol at ito ay makakatulong sa pagpapagaling ng ating ecosystem at sa kapakanan ng mga henerasyon sa hinaharap.
Patuloy naman ang PNP sa pakikipagtulungan sa mamamayan upang maprotektahan ang ating kalikasan at maiwasan ang mga sakuna na dulot ng mga natural na kalamidad.
Panulat ni Patrolwoman Rialyn B Valdez
