Basilan – Nagsagawa ng Tree Planting Activity ang mga miyembro ng 3rd Regional Mobile Force Company, RMFB BASULTA sa San Jose Central Elementary School sa Lamitan City, Basilan nito lamang Nobyembre 10, 2023.
Pinangunahan ni Police Captain Ferick Jay Gomafay, Company Commander ng 3rd RMFC, RMFB BASULTA, katuwang ang Basilan 1st Provincial Mobile Force Company, 53rd Special Action Company ng PNP SAF, at mga mag-aaral ng San Jose Central Elementary School.
Layunin ng aktibidad na mapanatili ang sariwang hanging dumadaloy sa kapaligiran at maiwasan ang pagbaha sa lugar.
Samantala, hinikayat ng PNP ang ibang kabataan at ibang advocacy group na makiisa sa aktibidad upang pagyamaning muli ang ganda ng Inang kalikasan para makamit ang isang mayabong at maunlad na pamayanan.
Panulat ni Patrolman Vincent Valencia
