Bayugan City, Agusan del Sur – Kalaboso ang Top 9 Most Wanted Person (City Level) sa kasong Frustrated Murder ng Agusan del Sur PNP nito lamang Huwebes, Mayo 19, 2022.
Kinilala ni Police Colonel Jovito Canlapan, Acting Provincial Director ng Agusan del Sur Police Provincial Office, ang nadakip na si Erwin Lajaolajao, 39, laborer, residente ng Purok 2, Brgy. Maygatasan, Bayugan City, Agusan del Sur.
Ayon kay PCol Canlapan, bandang 6:00 ng umaga nang arestuhin si Lajaolajao sa nasabing lugar ng mga tauhan ng Bayugan City Police Station at High-way Patrol Group-Agusan del Sur.
Ayon pa kay PCol Canlapan, naaresto si Lajaolajao sa bisa ng Warrant of Arrest sa kasong Frustrated Murder na may rekomendadong piyansa na Php200,000.
Ang AgSur PNP ay patuloy sa pag-aresto sa mga may pananagutan sa batas upang mabigyang hustisya ang mga naging biktma at mapangalagaan ang komunidad.
###
Panulat ni Patrolman Jhunel Cadapan/RPCADU13
