Arestado ang isang Top 8 Most Wanted person sa kasong Rape sa isinagawang joint law enforcement operation ng mga kapulisan ng Zamboanga City Police Station 4 katuwang ang CIDMU-SIU at 904th nito lamang ika-7 ng Mayo 2024.
Kinilala ng mga kapulisan ang naarestong suspek na isang lalaki, 19 anyos at residente ng Sitio Mulu-Muluan, Barangay Mercedes, Zamboanga City.
Naging matagumpay ang pagkakaaresto sa suspek sa ikinasang operasyon sa bisa ng Warrant of Arrest sa kasong 3 Counts ng Rape na walang inirekomendang piyansa.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa programa ng gobyerno na itaguyod ang kaayusan at kaligtasan ng publiko, kapayapaan at seguridad at magkaroon ng maunlad na isang Bagong Pilipinas.
Panulat ni Pat Joanna Marie Soriano
