Arestado ang isang Top 7 Most Wanted Person sa Municipal Level sa kasong Sexual Assault at Statutory Rape sa isinagawang joint law enforcement operation ng Zamboanga City Police Station 5 katuwang ang Regional Intelligence Division 9 sa Terry Ann Drive Barangay Putik, Zamboanga City nito lamang Pebrero 24, 2025.
Kinilala ni Police Colonel Kimberly Molitas, City Director ng Zamboanga City Police Office, ang naarestong suspek na si alyas “Rogen”, 22 anyos, lalaki at residente ng Terry Ann Drive Barangay Putik, Zamboanga City.
Ang suspek ay nahaharap sa kasong Sexual Assault at Statutory Rape na may inirekomendang piyansa na nagkakahalaga ng Php120,000.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad na isang Bagong Pilipinas.
Panulat ni Pat Joyce Franco
