Iloilo – Timbog ang Top 7 Most Wanted Person ng Lambunao, Iloilo sa kasong rape sa ginawang operasyon ng pulisya nito lamang Lunes, Marso 7, 2022.
Kinilala ni Police Major Roy Tayona, Acting Chief of Police, Lambunao Municipal Police Station, ang suspek na si Edwin Lastimoso y Libuna, may asawa at residente ng Barangay Pajo, Lambunao, Iloilo.
Ayon kay Police Major Tayona, nahuli si Lastimoso sa Barangay Malunang, Zarraga, Iloilo ng mga operatiba ng Lambunao Municipal Police Station katuwang ang Zarraga Municipal Police Station.
Ayon pa kay Police Major Tayona, mahigit sampung taon ng nagtatago sa batas si Lastimoso.
Aniya pa ni Police Major Tayona, si Lastimoso ay naaresto sa bisa ng Warrant of Arrest sa kasong Rape na inisyu ni Honorable Judge Gemmalyn Faunillo-Tarol, Presiding Judge, Branch 76, Janiuay, Iloilo noong October 20, 2020.
Tinitiyak ng ating kapulisan na walang lugar sa lipunan ang mga taong gumagawa ng krimen na ito at titiyaking mapanatili ang kapayapaan sa lugar.
###
Panulat ni Patrolman Kher Bargamento
