Napasakamay ng mga awtoridad ang Top 7 Most Wanted Person matapos arestuhin kasunod ng paghain ng Warrant of Arrest sa kasong Frustrated Murder sa Mahayahay 2, Barangay Pasil, Cebu City nito lamang Miyerkules, Abril 3, 2024.
Kinilala ni Police Colonel Ireneo B Dalogdog, City Director ng Cebu City Police Office (CCPO), ang suspek na si Florendo, 25, residente ng Mahayahay 2, Barangay Pasil, Cebu City.
Ipinaalam na sa kinauukulang korte ang pagkakaaresto ng suspek at ito’y pansamantalang naka ditene sa Police Station 6, CCPO habang hinihintay ang Commitment Order.
Sa pamamagitan ng determinasyon ng mga kapulisan ng Cebu City, mas papaigtingin pa nila ang kanilang pagganap sa tungkulin upang mapanagot ang mga tiwaling indibidwal at masiguro ang seguridad ng mga mamamayan tungo sa Bagong Pilipinas.
Source: Spot Report from CCPO
Panulat ni Pat Carla Jane Tanio
