Nadakip noong Oktubre 20, 2021 ang isang lalaki na itinuturing na Top 7 Most Wanted sa Rehiyon Dos dahil sa kasong panggagahasa sa Aparri, Cagayan.
Matapos magtago ng mahagit 20-taon sa batas, nahuli ang suspek na si alyas Jayson, 41 anyos, at residente ng Barangay Maura, Aparri, Cagayan.
Dinakip ng Aparri Police Station ang suspek sa bisa ng Warrant of Arrest na inisyu ni Hon. Antonio Laggui ng RTC Branch 38, Aparri, Cagayan noon pang Nobyembre 10, 1999.
Si alyas Jason ay kasalukuyang nasa kustodiya ng PNP Aparri para sa dokumentasyon at tamang disposition.
Samantala, pinuri ni PBGen Steve Ludan, Director ng Police Regional Office 2, ang pagkakahuli sa suspek.
“Mas lalo pa nating paiigtingin ang mga operasyon kontra kriminalidad upang mahuli at makulong ang mga taong lumabag sa batas,” pagtitiyak ni PBGen Ludan.
Hinihikayat din ni PBGen Ludan ang taumbayan na maki-isa at makipagtulungan sa mga programa ng PNP kontra kriminalidad at agad ipagbigay-alam sa pinakamalapit na istasyon ng pulisya ang anumang impormasyon na maaaring makatulong sa pagpapanatili ng seguridad sa kanilang komunidad.
####
Article by Police Corporal Carla Mae P Canapi
