Davao del Sur – Arestado ang isang babae sa isinagawang buy-bust operation ng PNP nito lamang Biyernes, Hunyo 3, 2022.
Kinilala ni PLtCol Hamlet Lerios, Acting Chief of Police, Digos City Police Station, ang suspek na si Miraflor Andoy alyas “En-En/Queen, 35, residente ng Purok Mahogany, Brgy. Tres de Mayo, Digos City na tinaguriang Top 7 High Value Individual sa Regional level.
Ayon kay PLtCol Lerios, naaresto ang suspek sa Brgy. Tres de Mayo, Digos City ng pinagsamang tauhan ng Digos CPS; Regional Police Drug Enforcement Unit 11 at Special Operation Unit 11-Philippine Drug Enforcement Group 11.
Ayon pa kay PLtCol Lerios, nakuha mula sa suspek ang ilang pakete ng hinihinalang shabu na may bigat na humigit kumulang 5.86 gramo na may street market value na Php87,900 at marked money na ginamit sa operasyon.
Dagdag pa ni PLtCol Lerios, ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Pinuri naman ni PBGen Benjamin Silo Jr., PRO11 Regional Director ang nasabing operasyon at nagsabi na ipagpapatuloy pa ang serbisyong tapat para sa mga mamamayan ng lungsod.
###
Panulat ni Patrolman Alfred Vergara
