Arestado ng pulisya ang Top 6 Most Wanted Person sa Provincial Level bandang 11:30 ng umaga sa Barangay Pancian, Pagudpud, Ilocos Norte nito lamang ika-24 ng Abril 2024.
Kinilala ni Police Captain Reycar L Almazan, Officer-In-Charge ng Sarrat PNP, ang suspek na si alyas “Roberto”, residente ng Barangay 7, San Manuel, Sarrat, Ilocos Norte.
Ayon kay PCpt Almazan, naaresto ang suspek ng pinagsamang pwersa ng Sarrat PNP bilang lead unit at Provincial Special Enforcement Team-Ilocos Norte Police Provincial Office.
Ayon pa kay PCpt Almazan, nahaharap ang suspek sa kasong Frustrated Murder na may Php200,000 na piyansa.
Ang operasyon ay naging matagumpay sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas at mapanatiling ligtas ang mamamayan tungo sa Bagong Pilipinas.
Source: Sarrat Municipal Police Station
Panulat ni Patrolman Viljon Anthony A Comilang
