Zamboanga City – Arestado ang Top 6 Most Wanted Person (Regional Level) sa isinagawang Manhunt Charlie Operation ng Zamboanga PNP para sa kasong 9 Counts of Murder nito lamang Miyerkules, June 8, 2022.
Kinilala ni Police Colonel Alexander Lorenzo, City Director ng Zamboanga City Police Office, ang naarestong suspek na si Jain Adjanal alyas Jainal A Alam, 37, lalaki, may asawa, magsasaka, tubong Brgy. Basakan, Mohammad Adjul, Basilan Province at kasalukuyang naninirahan sa Brgy. Malinis, Lamitan City, Basilan.
Ayon kay PCol Lorenzo, bandang 4:26 ng hapon nang naaresto si Adjanal sa naturang lugar ng pinagsanib na puwersa ng 2nd Zamboanga City Police Mobile Force Company, 53rd Special Action Force at Lamitan City Police Station sa bisa ng Warrant of Arrest sa kasong (9) Counts of Murder na walang inirekomendang piyansa.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
###
Panulat ni Patrolman John Ronald Tumonong/RPCADU 9
