Sa patuloy na pagmamatyag sa mga kinikilalang Most Wanted Person (MWP) sa buong lambak ng Cagayan, isang malaking tagumpay na maituturing ang pagkakadakip sa Top 6 MWP (WCPD Regional Level) dahil sa kasong panggagahasa noong ika-14 ng Setyembre 2021 sa San Pablo Isabela,
Kinilala ang naaresto na si Mario Mamauag, 58 anyos, may asawa, at residente ng Lamo, Dupax del Norte, Nueva Vizcaya.
Batay sa rekord ng Women and Children Protection Desk (WCPD) ng Dupax del Norte Police Station, ang suspek ay wanted sa kasong panggagahasa sa isang 17 anyos na dalaga na may kapansanan (PWD) – deaf and mute.
Ang pag-aresto ay isinagawa ng pinagsanib-pwersa ng mga operatiba mula Dupax del Norte Police Station, kasama ang Nueva Vizcaya Provincial Intelligence Unit (NVPIU), Criminal Investigation Detection Group- Nueva Vizcaya Provincial Field Unit, 2nd Nueva Vizcaya Provincial Mobile Force Company at San Pablo Police Station, sa bisa ng Warrant of Arrest na inisyu ni Hon. Romeo U. Habbiling, Presiding Judge ng RTC Branch 37, Bayombong, Nueva Vizcaya para sa kasong 2 counts of Rape.
Sa kasalukuyan ay hawak na ng kapulisan ng Dupax del Norte PS ang nasabing akusado para sa dokumentasyon bago iturn-over sa court of origin.
