Arestado ng pulisya ang tinaguriang Top 5 Regional Most Wanted Person na may kasong Statutory Rape sa Barangay Casiawan, Cabucgayan, Biliran, nito lamang ika-18 ng Pebrero 2024.
Kilala ni Police Colonel Felix G Gervacio, Jr., Provincial Director ng Biliran Police Provincial Office, ang akusado na si alyas Simeon, 24 anyos, walang asawa at residente ng Cabucgayan, Biliran.
Ayon kay PCol Gervacio Jr., bandang 8:30 ng gabi ng isinagawa ang operasyon ng mga tauhan ng Biliran Provincial Intelligence Unit, Cabucgayan Municipal Police Station, Regional Intelligence Division 8 Tracker Team, Regional Intelligence Unit 8, Provincial Intelligence Team Biliran, Biliran Provincial Mobile Force Company at Criminal Investigation and Detection Group 8.
Naaresto ang suspek sa bisa ng Warrant of Arrest para sa kasong Statutory Rape na walang inirekomendang piyansa at dinala sa Cabucgayan Municipal Police Station para sa dokumentasyon at tamang disposisyon.
Walang humpay ang pagpapatupad ng kapulisan sa kampanya laban sa kriminalidad at panagutin ang mga taong may pagkakasala sa batas upang mabigyan ng hustiya ang kanilang mga naging biktima.
Panulat ni Patrolwoman Maurene A Kiaki
