Calapan City, Oriental Mindoro – Arestado ang Top 5 Most Wanted Person ng CALABARZON sa isinagawang Joint Law Enforcement Operation ng puwersa ng PNP sa Calapan City, Oriental Mindoro noong Hunyo 1, 2022.
Kinilala ni Police Brigadier General Sidney Sultan Hernia, Regional Director ng Police Regional Office MIMAROPA, ang suspek na si Dan Umali Marasigan, 42, residente ng Barangay Balingayan, Calapan City, Oriental Mindoro.
Ayon kay PBGen Hernia, ang suspek ay naaresto bandang 2:30 ng hapon sa Calapan City, Oriental Mindoro ng pinagsanib puwersa na mga tauhan ng Baco Municipal Police Station kasama ang San Pascual Municipal Police Station, 2nd Provincial Mobile Force Company ng Batangas Police Provincial Office, Batangas Provincial Intelligence Team sa ilalim ng Regional Intelligence Unit 4A.
Ayon pa kay PBGen Hernia, inaresto si Marasigan sa bisa ng Warrant of Arrest sa kasong Rape na walang inirekomendang piyansa.
Dagdag pa ni PBGen Hernia, ang tagumpay na ito ay isang pagpapakita ng inter-unit na pagtutulungan at suporta ng komunidad sa PNP para sa lalong pinaigting na kampanya laban sa mga taong pinaghahanap ng batas.
Source: RPIO MIMAROPA
###
Panulat ni Patrolman Erwin Calaus
