Arestado ang tinaguriang Top 4 Most Wanted Person (MWP) ng National Capital Region Police Office (NCRPO) sa ikinasang operasyon ng mga awtoridad sa Mindanao Avenue, Barangay Bahay Toro, Quezon City bandang 2:00 ng hapon nito lamang Hunyo 5, 2026.
Kinilala ni Police Major General Anthony Aberin, Regional Director ng NCRPO, ang suspek na isang 40-anyos na lalaki na nahaharap sa kasong Acts of Lasciviousness in relation to RA 7610 at three counts of Qualified Rape.
“Protecting the vulnerable is a responsibility we take seriously. Through sustained manhunt operations and intelligence‑driven policing, NCRPO will relentlessly pursue wanted persons and help ensure that victims receive the justice they deserve,” saad ni PMGen Aberin.
Patuloy ang pinaigting na operasyon ng kapulisan sa NCRPO laban sa mga wanted na indibidwal upang mapanatili ang kapayapaan at kaayusan sa buong Rehiyon alinsunod sa mantra ng Pambansang Pulisya na “Bagong PNP para sa Bagong Pilipinas: Serbisyong Mabilis, Tapat, at Nararamdaman.”
