Kitaotao, Bukidnon – Timbog ang Top 4 Most Wanted Person (Municipal Level) sa kasong Qualified Rape sa isinagawang operasyon ng Bukidnon PNP nito lamang June 29, 2022.
Kinilala ni Police Colonel Jun Mark Lagare, Provincial Director ng Bukidnon Police Provincial Office, ang nadakip na suspek na si Rolando Raganas Maasin, 58, residente ng P-5 Batangan, Brgy. Balangigay, Kitaotao, Bukidnon.
Ayon kay PCol Lagare, bandang 2:15 ng hapon nang arestuhin si Maasin sa naturang lugar ng mga tauhan ng Kitaotao Municipal Police Station at 2nd Bukidnon Provincial Mobile Force Company sa bisa ng Warrant of Arrest sa kasong Qualified Rape at walang nirekomendang piyansa.
Ang Bukidnon PNP ay nagpupursigi na maaresto ang mga may pananagutan sa batas upang mabigyang hustisya ang mga naging biktima at mapanatag ang komunidad sa anumang banta ng kriminalidad.
###
Panulat ni Patrolman Jomhel Tan/RPCADU 10
