San Quintin, Pangasinan – Arestado ang Top 4 Most Wanted Person sa kasong Frustrated Murder sa operasyon ng San Quintin PNP noong Abril 12, 2022.
Kinilala ni Police Captain Ramsey Ganaban, Hepe ng San Quintin Municipal Police Station, ang suspek na si Arnulfo Antonio y Zamora, 53, may asawa, nakatira sa Barangay Cabalaoangan, San Quintin, Pangasinan.
Ayon kay PCpt Ganaban, bandang 11:10 ng gabi naaresto ang suspek sa Barangay Casantamaria-an, San Quintin, Pangasinan sa operasyon ng San Quintin MPS.
Ayon pa kay PCpt Ganaban, naaresto ang suspek sa bisa ng Warrant of Arrest sa kasong Frustrated Murder na may rekomendadong piyansa na Php 200,000.
Hinikayat ng PNP ang mamamayan na patuloy na makipag-ugnayan at makipagtulungan sa kampanya laban sa mga kriminalidad para mapanatiling ligtas at tahimik ang komunidad.
Source: San Quintin Municipal Police Station
###
Panulat ni Patrolman Dennis P Carinal
