Cebu City – Tiklo sa joint manhunt operation ng kapulisan ang tinaguriang Top 3 Provincial Most Wanted Person ng Cebu sa kasong paglabag RA 9165 sa Sto. Nino lll Bario Luz, Cebu City noong Marso 22, 2023.
Kinilala ni Police Lieutenant Colonel Dexter Calacar, Force Commander ng Cebu City Mobile Force Company (CMFC) ang naaresto na si alyas “Sergio”, 49, residente ng naturang lugar.
Ayon kay PLtCol Calacar, nadakip ang akusado dakong alas-12:45 ng tanghali noong Miyerkules ng pinagsinib na puwersa ng CMFC, Cebu City Police Office; Criminal Investigation and Detection Group (CIDG) Mandaue City Field Unit; at Regional Intelligence Unit 7.
Inaresto ang akusado sa bisa ng Warrant of Arrest sa kasong paglabag sa Sec. 11 at 12, Art. II ng RA 9165 o Comprehensive Dangerous Drugs Act of 2002.
Tiniyak naman ng kapulisan nang probinsya na lalo pa nilang paghuhusayin ang bawat hakbangin para sa kaayusan at kaligtasan ng mamamayan.
