Arestado ng mga awtoridad ang tinaguriang Top 3 Municipal Most Wanted Person na may kasong 2 Counts ng Acts of Lasciviousness sa Barangay Maanyag, Tomas Oppus, Southern Leyte nito lamang Oktubre 31, 2024.
Kinilala ni Police Captain Nicodemus R Cabais, Acting Chief of Police ng Tomas Oppus Municipal Police Station, ang suspek na si alyas “Danny”, 22 anyos at residente ng Barangay Maanyag, Tomas Oppus, Southern Leyte.
Bandang 6:00 ng gabi nang maaresto ang suspek ng mga tauhan ng Tomas Oppus Municipal Police Station sa bisa ng Warrant of Arrest para kasong 2 Counts ng Acts of Lasciviousness kaugnay sa Section 5 (b) ng Republic Act 7610 o “Special Protection of Children Against Abuse, Exploitation and Discrimination Act” na may piyansa na Php180,000 para sa pansamantalang kalayaan.
Ang matagumpay na operasyon ay resulta ng pakikipagtulungan ng mamamayan sa kapulisan upang mapaigting ang kampanya kontra kriminalidad para mapanagot ang mga taong nagkasala sa batas. Dahil sa Bagong Pilipinas, ang gusto ng pulis, ligtas ka!.
Panulat ni Patrolwoman Ma. Elena B Singian
