Binangonan, Rizal – Arestado ang Top 3 Most Wanted Person (Provincial Level) sa kasong Statutory Rape sa “Oplan Saliksik” ng Binangonan PNP nito lamang Lunes, Abril 25, 2022.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si Cesar Victoria y Hitomo alyas Totoy 46 at residente ng No. 303 Ynares St. Villa Caluang, Brgy. Lunsad, Binangonan, Rizal.
Ayon kay PCol Baccay, bandang 3:00 ng hapon naaresto ang suspek sa Brgy. Lunsad, Binangonan, Rizal sa isinagawang “Oplan Saliksik” ng Binangonan Municipal Police Station sa bisa ng Warrant of Arrest sa kasong Statutory Rape at walang nirekomendang piyansa.
Ang tagumpay ng PNP laban sa mga taong may pananagutan sa batas ay bunga ng pakikipagtulungan at pakikiisa ng mamamayan upang manatiling ligtas at maayos ang komunidad.
###
Panulat ni Patrolman Mark Lawrence S Atencio/RPCADU 4A
