Tubao, La Union – Arestado ng Tubao PNP ang Top 3 Most Wanted Person sa Provincial Level na may kasong Rape nitong Martes, Hunyo 21, 2022.
Kinilala ni Police Major Joel Cabaddu, Officer-in-Charge ng Tubao Municipal Police Station, ang suspek na si Artemio Corpuz Jr. y Estonilo, 43, residente ng Brgy. Gonzales, Tubao, La Union.
Ayon kay PMaj Cabaddu, naaresto si Corpuz sa Brgy. Bila, Bauko, Mountain Province sa bisa ng Warrant of Arrest ng pinagsamang puwersa ng Tubao MPS, Tuba MPS, La Union Police Intelligence Unit, La Union Philippine Drug Enforcement Unit, Regional Intelligence Division Police Regional Office 1 at 2nd La Union Provincial Mobile Force Company.
Ang PNP sa tulong at koordinasyon ng mamamayan ay patuloy na nabibigyang hustisya ang mga may pananagutan sa batas upang tiyakin na ligtas at mapayapa ang lugar na kanilang nasasakupan lalo na ang publiko laban sa masasamang tao.
Source: Tubao MPS
###
Panulat ni PSSg Marvin Jake Romero
