Misamis Oriental – Arestado ang Top 2 Most Wanted Person (City Level) sa kasong paglabag sa ilegal na droga sa ikinasang joint operation ng Gingoog City Police Station at 1st Platoon ng 1001st Manuever Company ng Regional Mobile Force Battalion 10 nitong Hunyo 29, 2022.
Kinilala ni Police Colonel Raniel Valones, Provincial Director ng Misamis Oriental Provincial Police Office, ang naarestong suspek na si Jeffrey Renopal Barioga, 35, residente ng Purok 4A, Brgy. 20, Gingoog City, Misamis Oriental.
Ayon kay PCol Valones, dakong 8:45 ng umaga naaresto ang suspek sa Barangay 24-A, Gingoog City, Misamis Oriental sa bisa ng Warrant of Arrest sa kasong paglabag sa RA 9165 o Comprehensive Dangerous Drugs Act of 2002 sa ilalim ng Criminal Case No. 2022-8651 to 2022-8652 na may rekomendadong piyansa na Php200,000.
Ang pagkakahuli ng nasabing suspek ay nagpapakita na ang Misamis Oriental PNP ay patuloy at hindi titigil na hulihin ang lahat ng Most Wanted Person sa Rehiyong 10 upang mapanatili ang kapayapaan nito.
###
Panulat ni Patrolman Edwin Baris/RPCADU 10
