La Union – Timbog ng Tubao PNP ang Top 2 Most Wanted Person sa Municipal Level ss Tubao, La Union nito lamang ika-19 ng Oktubre 2023.
Kinilala ni Police Major Joel Soriano, Acting Chief of Police ng Tubao PNP, ang suspek na si Daniel Louis Galera Barbosa, 27, construction worker at residente ng Brgy. Caoigue, Tubao, La Union.
Ayon kay Police Major Soriano, naaresto ang suspek bandang 11:30 ng umaga sa pinagsanib na pwersa ng Tubao PNP bilang lead unit katuwang ang Agoo MPS, Provincial Intelligence Unit ng LUPPO, Regional Intelligence Division, at 2nd La Union PMFC sa Brgy. Garcia, Tubao, La Union.
Nahaharap ang suspek sa kasong Acts of Lasciviousness under Art. 336 of the RPC in relation to Sec. 5 (b) of R.A 7610 na may Php200,000 na nirekomendang piyansa.
Ang operasyon ng Tubao PNP ay naglalayon na mapanatili ang kaayusan at kaligtasan sa komunidad sa pamamagitan ng pagsusumikap na maaresto ang iba pang nagtatago sa batas.
Source: Tubao Municipal Police Station
Panulat ni PCpl Johndel L Supremo
