Arestado ng pulisya ang Top 2 Municipal Most Wanted Person na may kasong Acts of Lasciviousness sa Barangay San Miguel, Hernani, Eastern Samar nito lamang ika-29 ng Abril 2024.
Kinilala ni Police Captain Rongy D Cidro, Officer-In-Charge ng Hernani Municipal Police Station, ang naaresto na si alyas “Ely”, 58 at residente ng Barangay San Miguel, Hernani, Eastern Samar.
Bandang 3:00 ng hapon ng isagawa ang operasyon kasama ang Eastern Samar Provincial Intelligence Unit sa bisa ng Warrant of Arrest para sa kasong Acts of Lasciviousness na may inirekomendang piyansa na Php180,000.
Ang Pambansang Pulisya ay patuloy na magkakaisa upang madakip ang mga nagkasala sa batas para mapanatili ang kaayusan sa ating bansa tungo sa pagkamit sa Bagong Pilipinas.
Panulat ni Pat Maurene Kiaki
