Misamis Oriental – Timbog ang Top 2 Most Wanted Person (Municipal Level) sa kasong Robbery sa ikinasang manhunt operation ng Misamis Oriental PNP nito lamang Linggo ng Mayo 15, 2022.
Kinilala ni Police Major Marstar Lorenzo, Chief of Police ng Laguindingan Municipal Police Station ang naarestong suspek na si Juanic Jhon Escolano, 44, may asawa, residente ng Zone 4, Los Banzon, Jasaan, Misamis Oriental.
Ayon kay PMaj Lorenzo, bandang 9:30 ng umaga naaresto ang suspek sa Zone 4, Los Banzon, Jasaan, Misamis Oriental sa pinagsanib pwersa ng Laguindingan Municipal Police Station at Jasaan Municipal Police Station.
Ayon pa kay PMaj Lorenzo, naaresto si Escolano sa bisa ng Warrant of Arrest sa kasong Robbery na may inirekomendang piyansa na nagkakahalaga ng Php180,000.
Ang pagkakahuli ng mga wanted person ng PNP ay bunga ng magandang ugnayan ng Pambansang Pulisya at komunidad.
###
Panulat ni Patrolman Edwin Baris/RPCADU 10
