Tiaong, Quezon – Arestado ang Top 10 Most Wanted Person (Regional Level) sa kasong Rape sa bayan ng Tiaong sa isinagawang operasyon ng Tiaong PNP nito lamang Biyernes, Abril 15, 2022.
Kinilala ni Police Colonel Joel Villanueva, Provincial Director ng Quezon Police Provincial Office, ang suspek na si Ranil Ramirez Roxas, 36 at residente ng Brgy. Bukal, Tiaong, Quezon.
Ayon kay PCol Villanueva, bandang 4:00 ng hapon naaresto ang suspek sa naturang lugar ng mga operatiba ng Tiaong Municipal Police Station sa bisa ng Warrant of Arrest sa kasong Rape at walang nirekomendang piyansa.
Ang Pambansang Pulisya ay mas pinapaigting ang kampanya laban sa kriminalidad at terorismo tungo sa mas maunlad at tahimik na bansa.
Source: Tiaong Municipal Police Station
###
Panulat ni Police Staff Sergeant Grace Neville Ortiz
