Quezon, Quezon – Arestado ang Top 2, 3, at 4 Most Wanted Persons (Municipal Level) sa kasong Murder sa magkahiwalay na Manhunt Charlie ng Quezon PNP nito lamang Biyernes, Abril 15, 2022.
Kinilala ni Police Captain Leo Lagrazon, Hepe ng Quezon Municipal Police Station, ang tatlong suspek na sina Ireneo Jardiolen Banares (Top 2), 47; Miguel Eduardo Enteria Militante (Top 3), 31, electrician; at Nelson Militante Demin Jr (Top 4), 23, walang trabaho at pawang nakatira sa Brgy. Gumubat, Quezon, Quezon.
Ayon kay PCpt Lagrazon, naaresto ang tatlong suspek na sina Militante at Demin bandang 3:00 ng hapon sa Sitio Centro, Brgy. Gumubat habang bandang 4:30 ng hapon naman naaresto si Banares sa Sitio Cagatipo, Brgy. Gumubat, Quezon, Quezon ng mga operatiba ng Quezon Municipal Police Station.
Ayon pa kay PCpt Lagrazon, naaresto ang mga suspek sa bisa ng Warrant of Arrest sa kasong Murder at may rekomendadong piyansa na Php200,000.
Samantala, lalo pang hinimok ng Quezon PNP na suportahan ang kampanya ng Pambansang Pulisya laban sa kriminalidad at terorismo para mapanatiling payapa at maunlad ang bayan na kanilang nasasakupan.
Source: Quezon Municipal Police Station
###
Panulat ni Police Staff Sergeant Grace Neville Ortiz
