Arestado sa bisa ng Warrant of Arrest ang Top 1 Station Most Wanted Person sa ikinasang operasyon ng mga awtoridad sa Sitio Contract, Barangay Salumay, Marilog District, Davao City nito lamang Nobyembre 6, 2024.
Kinilala ni Police Major Renante C Aritalia, Acting Station Commander ng Marilog Police Station, ang suspek na si alyas “Crispin”, 45 anyos at residente ng Sitio Sungkolan, Barangay Salumay, Marilog District, Davao City.
Ang suspek ay nahaharap sa kasong Murder na walang inirekomendang piyansa.
Samantala, tuloy-tuloy pa rin ang pagsisikap ng mga tauhan ng Police Regional Office 11, upang matiyak ang pagpapatupad para mapanatili ang kapayapaan tungo sa kaunlaran.
Panulat ni Patrolwoman Shairra Rose A Aquino
