Cebu – Tiklo sa inilunsad na manhunt operation ng kapulisan ang tinaguriang Top 1 Most Wanted Person ng Cebu na may kasong Homicide sa Brgy. Basak, Lapu-Lapu City, Cebu noong Martes, Marso 21, 2023.
Kinilala ni Police Lieutenant Colonel Dexter Calacar, Force Commander ng Cebu City Mobile Force Company, ang naaresto na si “Paciano”, 42, residente ng Sitio Pag-utlan Brgy. Maribago, Lapu-lapu City ay nadakip dakong alas-11:45 ng umaga sa bisa ng Warrant of Arrest.
Ang pagkakadakip ng akusado ay bunga ng maayos na pagkakaisa ng mga operatiba ng Criminal Investigation and Detection Group, Mandaue City Field Unit (CFU); Cebu City Police Office (CCPO); Lapu-lapu City Police Station (LCPO); at Regional Intelligence Unit 7.
Tiniyak ng mga operatiba sa likod ng matagumpay na operasyon na ang walang humpay na kampanya ng PNP laban sa lahat ng uri ng kriminalidad ay kanila pang paghuhusayin para sa pagsusulong ng kaayusan at kapayapaan ng bawat mamamayan.
