Ilocos Sur – Arestado ang Top 1 Municipal Most Wanted Person ng Bantay, Ilocos Sur sa ikinasang Manhunt Charlie Operation ng mga operatiba ng Ilocos Sur Police Provincial Office nitong Miyerkules, ika-22 ng Marso 2023.
Kinilala ni Police Major Pol Areola, Hepe ng Bantay Municipal Police Station, ang suspek na si alyas John Paul, 22, residente ng Brgy. Buquig, Bantay, Ilocos Sur.
Ayon kay PMaj Areola, naaresto ang suspek sa bisa ng Warrant of Arrest sa kasong Rape na walang inirekomendang piyansa.
Ayon pa kay PMaj Areola, naaresto ang suspek bandang 3:45 ng hapon sa Barangay 1, Bantay, Ilocos Sur ng pinagsanib ng tauhan ng Bantay Municipal Police Station at Provincial Intelligence Unit.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Pambansang Pulisya ng kanilang mga tungkulin upang maibigay sa mga mamamayan ang hangaring ligtas at payapang komunidad.
Source: Bantay Municipal Police Station
Panulat ni PSSg Bader Ceasar Ayco
