Arakan, Cotabato – Naaresto ng mga tauhan ng Arakan Municipal Police Station ang Top 1 Most Wanted Person Municipal Level sa kasong 3 Counts of Rape sa Brgy. Doroluman, Arakan, Cotabato noong Setyembre 8, 2022.
Kinilala ni PMaj Orphie L Julian, Acting Chief of Police ng nasabing istasyon ang suspek na si Ruben Atienza Sr., 57, manggagawa ng Cotabato Foundation College of Science and Technology Campus at residente ng Sitio Malikongkong, Brgy. Doroluman, Arakan, Cotabato.
Ayon kay PMaj Julian, matagumpay na naaresto si Ruben ng pinagsanib na tauhan ng Arakan MPS, 1203rd Maneuver Company RMFB 12, Marahan Police Station, at 1st CMFC.
Ayon pa sa kanya, naaresto si Ruben sa bisa ng Warrant of Arrest sa kasong 3 counts of Rape.
Patuloy naman sa kanilang isinasagawang Manhunt Charlie Operation ang mga kapulisan ng SOCCSKSARGEN upang hulihin ang lahat ng wanted person sa rehiyon dose.
Source: PRO 12 Arakan Municipal Police Station
Panulat ni Patrolwoman Sherie-ann Masi
