Makilala, Cotabato – Arestado ang Top 1 Most Wanted Person Provincial Level habang nagsasagawa ng Oplan Kalinaw Reloaded ang mga tauhan ng Makilala Municipal Police Station sa Sitio Kamandag, Brgy. Old Bulatukan, Makilala, Cotabato, nito lamang Huwebes, ika-30 ng Hunyo 2022.
Kinilala ni PLtCol Jojet Nicolas, Acting Chief of Police ng nasabing istasyon ang suspek na si Junie Buluron alyas “Waet”, 34, may-asawa, walang trabaho, residente ng Sitio Patulangon, Brgy. Malasila, Makilala, Cotabato.
Ayon kay PLtCol Nicolas, bandang alas 9:00 ng umaga nang maaresto si “Waet” ng pinagsanib puwersa ng Makilala MPS, Provincial Intelligence Unit, CIDG North Cotabato at Regional Intelligence Division 12.
Dagdag pa ni PLtCol Nicolas, naaresto si Waet sa bisa ng Warrant of Arrest sa kasong Murder at walang inirekomendang piyansa.
Ito ay nagpapakita lamang na maayos at matiwasay na ginagampanan ng mga kapulisan ang kanilang trabaho sa kanilang nasasakupan.
Source: Makilala Municipal Police Station PRO 12
###
Panulat ni Patrolwoman Sherie-ann Masi
