Balaoan, La Union – Arestado ng PRO 1 ang Top 1 Most Wanted Person (Municipal Level) sa kasong Rape by Sexual Assault nitong Miyerkules, ika-20 ng Hulyo, 2022.
Kinilala ni Police Major Lawrence L Ganuelas, Officer-in-Charge ng Balaoan Police Station, ang suspek na si Herminio Turalba Nuñez, 52, residente sa Brgy. Pagleddegan, Balaoan, La Union.
Ayon kay PMaj Ganuelas, naaresto ang suspek bandang 10:40 ng umaga sa nabanggit na barangay ng pinagsanib na operatiba ng Balaoan PS kasama ang Regional Intelligence Division 1, Regional Intelligence Unit 1, La Union Provincial Intelligence Unit/La Union Police Drug Enforcement Unit, 103rd RMFB 1, 1st La Union Police Mobile Force Company.
Ayon pa kay PMaj Ganuelas, naaresto ang suspek sa bisa ng Warrant of Arrest sa kasong Rape by Sexual Assault kaugnay ng RA 7610 o Special Protection of Children Against Abuse, Exploitation and Discrimination Act na walang rekomendadong piyansa.
Ang Balaoan PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik at maayos ang komunidad.
Source: Balaoan, Municipal Police Station
###
Panulat ni Patrolman Dennis P Carinal
