Arestado ang Top 1 Most Wanted Person (City Level) sa kasong Carnapping ng PRO 1 noong ika-1 ng Hulyo taong kasalukuyan.
Kinilala ni Police Lieutenat Colonel Romil C Avenido, Chief of Police ng Dagupan Municipal Police Station, ang suspek na si Benjamin Cuison y Cabatbat, 26, tricycle driver, residente ng Brgy. I, Dagupan City, Pangasinan.
Ayon kay PLtCol Avenido, bandang 7:17 ng gabi naaresto ang suspek sa Brgy. AB Fernandez West, Dagupan City ng pinagsanib na puwersa ng Dagupan MPS, Regional Intelligence Division PRO1, Provincial Intelligence Unit Pangasinan, Provincial Police Office, 104th MC, Regional Mobile Force Battalion.
Ayon pa kay PLtCol Avenido, naaresto ang suspek sa bisa ng Warrant of Arrest sa kasong Carnapping na may rekomendadong piyansa na Php300,000.
Ang PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik at maayos ang komunidad.
Source: Dagupan City Police Station
###
Panulat ni Patrolman Dennis P Carinal
