Dingras, Ilocos Norte – Naaresto ng Dingras Municipal Police Station ang Top 1 Most Wanted Person sa Municipal Level sa Brgy. Sulquiano, Dingras, Ilocos Norte noong ika-17 ng Hunyo 2022.
Kinilala ni PMaj Julius R Basallo, Hepe ng Dingras MPS, ang suspek na si Jericho Peralta y Sales, 19, residente ng Brgy. Puruganan, Dingras, Ilocos Norte.
Ayon kay PMaj Basallo, naaresto ang suspek sa nasabing lugar sa bisa ng Warrant of Arrest sa kasong Homicide (RPC Art. 249) ng mga operatiba ng Dingras MPS.
Sa pakikipagtulungan at pakikiisa ng mamamayan ay naging matagumpay ang operasyon ng Dingras PNP para maikulong ang mga taong pinaghahanap ng batas. Ito ay upang mapanatili ang kaligtasan ng mamamayan, kaayusan at katahimikan ng kanilang nasasakupan.
Source: Dingras Municipal Police Station Ilocos Sur
###
Panulat ni: Patrolman Dennis P Carinal
