Davao City – Arestado ang dalawang suspek kabilang ang isang Top 1 Drug Personality sa isinagawang buy-bust operation ng PNP sa Dumoy Proper, Talomo District, Toril, Davao City, noong Agosto 10, 2022.
Kinilala ni PMaj Carol Jabagat, Station Commander, ng Toril PS, ang mga suspek na si alyas “Bebot” 39, residente ng Talomo Proper, Toril at alyas “Tata” 28, residente ng Brgy. Lubogan, Toril, Davao City na tinaguriang top 1 drug personality-Station level.
Ayon kay PMaj Jabagat, naaresto ang mga suspek sa isinagawang buy-bust operation ng pinagsamang tauhan ng Toril PS kasama ang 1105th Regional Mobile Force Battalion 11 at City Mobile Force Company/Davao City Police Office.
Dagdag pa ni PMaj Jabagat, nakuha mula sa suspek ang ilang pakete ng hinihinalang shabu at marked money na ginamit sa operasyon.
Ang mga suspek ay nasa kustodiya na ng nasabing istasyon upang sampahan ng kasong paglabag sa Republic Act 9165 o Comprehensive Dangerous Drugs Act of 2002 at upang dumaan sa tamang disposisyon.
Pinuri naman ni PBGen Benjamin Silo Jr., PRO11 Regional Director ang nasabing istasyon dahil sa matagumpay na pagkakaaresto sa mga drug personality na maglalapit sa kanilang layunin na gawing drug-free ang Rehiyong onse.
###
Panulat ni Patrolman Alfred Vergara
