Davao City – Arestado ang isang drug personality sa isinagawang buy-bust operation ng Bunawan Police Station at PDEA X1 sa Purok Gemini, Brgy. Lasang, Davao City nito lamang Disyembre 3, 2023.
Kinilala ni Police Major Jake Goles, Acting Station Commander ng Bunawan Police Station, ang suspek na si alyas “Makoy”, residente ng nasabing lugar na tinaguriang Top 1 High Value Individual sa City Level.
Nakuha mula sa suspek ang ilang pakete ng hinihinalang shabu na may bigat na humigit kumulang na 1.59 gramo at may street market value na Php25,440 at marked money na ginamit sa operasyon at kasong paglabag sa Republic Act 9165 o Comprehensive Dangerous Drugs Act of 2002 ang isinampa sa nasabing suspek.
Lalo pang pinaigting ng Police Regional Office 11 ang kampanya kontra ilegal na droga sa Rehiyon onse sa pamumuno ni Police Brigadier General Alden Delvo, Regional Director.
Panulat ni Patrolman Alfred Vergara
