General Santos City – Tiklo ang isang lalaki na nasa likod ng pagsunog ng walong iba’t ibang sasakyan sa ikinasang operasyon ng mga awtoridad sa bahagi ng downtown area ng General Santos City nito lamang ika-10 ng Nobyembre 2023.
Kinilala ni Police Colonel Nicomedes Olaivar Jr., City Director ng General Santos City Police Office, ang nahuling suspek na si alyas “Keydence Clark”, 30-anyos, may asawa, at residente ng Barangay Kalawag 2, Isulan, Sultan Kudarat.
Naaresto ang suspek sa isinagawang hot pursuit operation ng mga operatiba ng Central Intelligence Unit, General Santos City PNP, Regional Intelligence Division Tracker Team Bravo, RSOG 12, NBI SARDO 12 at Regional Highway Patrol Unit 12.
Ayon sa suspek, nagawa lamang niyang sunugin ang mga sasakyan dahil binayaran ito sa halagang Php2,000.
Samantala, tiniyak naman ni PCol Olaivar ang mabilis na tugon ng GenSan PNP at ngsagawa ng malalim na imbestigasyon upang matukoy ang nasa likod at mastermind sa modus ng panununog ng mga sasakyan.
Panulat ni Patrolman Khnerwin Jay A Medelin
