Pormal na inilunsad ng Sultan Kudarat Police Provincial Office (PPO), sa pangunguna ni PCOL Marvin A. Fontalva, Acting Provincial Director, katuwang ang Technical Education and Skills Development Authority (TESDA)–Sultan Kudarat, ang Training Induction Program para sa PV System Installation Maintenance NC II at Cookery NC II noong Setyembre 23, 2026, sa Magilas Hall, Camp Colonel Amando M. Dumlao, Sr., Isulan, Sultan Kudarat.
Dinaluhan ang opening ceremony ni Atty. Rabmor Thomas T. Bartolome, TESDA Provincial Director, na kinatawan ni Engr. Reynaldo Bernal, Supervising TESDA Specialist, kasama ang mga opisyal at tauhan ng Sultan Kudarat PPO.
Kabilang sa mga partisipante ng programa ang mga piling personnel ng SKPPO at mga PNP dependents, na bibigyan ng mga kasanayan at kakayahang angkop sa pangangailangan ng industriya sa pamamagitan ng TESDA-certified training.
Bahagi ito ng pinaigting na partnership ng Sultan Kudarat PPO at TESDA–Sultan Kudarat na naglalayong suportahan ang mga police personnel at kanilang pamilya sa pamamagitan ng edukasyon at pagpapaunlad ng kasanayan.
Sa kanyang mensahe, binigyang-diin ni PCol Fontalva ang kahalagahan ng patuloy na pagkatuto at pagpapahusay ng kasanayan. Aniya, “Ang pamumuhunan sa kapakanan at pag-unlad ng mga police personnel at kanilang pamilya ay nakatutulong sa pagbuo ng isang mas mahusay, matatag, at service-oriented na organisasyon.”
Samantala, muling tiniyak ni Engr. Bernal, bilang kinatawan ni Atty. Bartolome, ang commitment ng TESDA–Sultan Kudarat na suportahan ang PNP sa pamamagitan ng de-kalidad na technical education at skills training na makapagbubukas ng oportunidad para sa sustainable livelihood at personal advancement.
Nakaangkla ang programa sa Sultan Kudarat PPO Strategic Development Project MAF (Mentorship, Advocacy, and Force Readiness), na nagbibigay-diin sa pagpapaigting ng personnel welfare sa pamamagitan ng makabuluhang partnerships para sa patuloy na pag-unlad, family empowerment, at organizational readiness.
source link: https://www.facebook.com/share/p/14tuEfjKBC9/
