Timbog ang isang Street Level Individual sa isinagawang drug buy-bust operation ng Koronadal City Police Station sa Purok Masagana, Barangay GPS, Koronadal City, South Cotabato nito lamang ika-29 ng Oktubre 2024.
Kinilala ni Police Lieutenant Colonel Hoover T Antonio, Hepe ng Koronadal City Police Station, ang nahuli na si alyas “Philip”, 37 taong gulang, walang trabaho, at residente ng Labangal, General Santos City.
Nagpanggap na poseur-buyer ang isang pulis at bumili sa isang suspek ng isang sachet ng hinihinalang shabu at agad hinuli ang suspek.
Kumpiskado ang dalawang sachet ng hinihinalang shabu at isang unit ng caliber .38 na baril at mga bala.
Sasampahan naman ng kasong paglabag sa Republic Act 9165 o “Comprehensive Dangerous Drugs Act of 2002” at paglabag sa RA 10591 o “Comprehensive Firearms and Ammunition Regulation Act” ang suspek.
Patuloy na nagsusumikap ang buong hanay ng PNP laban sa ilegal droga. Nagpapaalala naman ang pulisya na tigilan ang pagbebenta o paggamit ng ipinagbabawal na gamot sapagkat masama ito sa katawan at nakakasira ng kinabukasan.
