Palawan – Kusang nagbalik-loob sa gobyerno ang siyam na tagasuporta ng Communist Terrorist Group matapos maisagawa ang joint operation ng mga tauhan ng 1st Palawan PMFC sa Rizal, Palawan noong ika-23 ng Marso 2023.
Ayon kay Police Lieutenant Colonel Eldie Bantal, Force Commander ng 1st Palawan PMFC, naisakatuparan ang kanilang pagbabalik-loob sa inisyatibo ng mga tauhan ng 1st Palawan, PMFC, Rizal MPS, PIU, PIT Palawan RIU 4B, Special Forces 18th Regiment, NISGW, at sa aktibong suporta ng KADRE ng Palawan.
Ayon pa kay PLTCol Bantal, isang pormal na programa ang ginanap sa Municipal Gymnasium ng Brgy. Panalingaan, Rizal, Palawan kung saan nakatanggap sila ng food packs mula sa Local Government Unit ng Rizal, Palawan.
Nanawagan naman si PLtCol Bantal sa mga naging miyembro ng Teroristang Grupo na lumapit lamang sa Kapulisan ng 1st Palawan PMFC upang kayo ay matulungan na magbalik-loob at matanggap ang magagandang programa ng gobyerno.
Panulat ni Patrolman Erwin Calaus
